الفرق بين القاعدة و داعش

نظرا لأن كثير من الأصدقاء المصدومين من اعمال داعش و ظهور اعمالهم التى تفوق فى الدموية تنظيم القاعدة .. فى الوقت اللى فيه خلاف ما بين القاعدة ( التنظيم الأم ) و بين داعش جعل بعض الناس الطيبيين تعتقد ان القاعدة اقرب للإعتدال !!!! او ان الخلاف بين داعش و القاعدة هو حول استهداف المدنيين !! او استهداف الشيعة !! . لذلك : اولا داعش انبثقت عن تنظيم كان يسمى الدولة الإسلامية فى العراق و كان يسمى من قبل مجلس شورى المجاهدين و من قبل كان يسمى تنظيم القاعدة فى بلاد الرافدين بقيادة ابو مصعب الزرقاوى مؤسس جماعة التوحيد و الجهاد و المبايع لأسامة بن لادن و الزرقاوى اول من ابتكر اسلوب الإعدام بالدبح و عمل تسجيلات لذلك و التوسع فى استخدام السيارات المفخخة و استهداف الشيعة ! و كل ده بمباركة قادة القاعدة ( ايمن الظواهرى و بن لادن ) و فيه تسجيلات لثنائهم عليه و تأييدهم ليه و مبايعة الزرقاوى ليهم ..

ثانيا : القاعدة استهدفت المدنيين و الأبرياء فى اماكن مختلفة من العالم من اول كينيا و تانزانيا و احداث 11 سبتمبر .. و تفجيرات قطارات مدريد ... و تفجيرات انفاق لندن اللى استهدفت المترو هناك و وسائل مواصلات و ظهر الظواهرى نفسه يؤيدها و يباركها ... بن لادن نفسه ليه تسجيل بينفى ما يسمى بالمدنيين !! و فى نظره اى مواطن دافع ضرائب اذن فهو شريك فى عدوان حكومته و من حقهم استهدافه !! .. و الظواهرى كان قائد لتنظيم الجهاد فى مصر و متورط فى قتل المدنيين بل الظواهرى ليه فضيحة تتعلق بإعدام لطفلين 14 و  15 سنة بحجة ان المخابرات المصرية نجحت فى تجنيدهم !! و كانت حجة الظواهرى فى جواز اعدامهم انهم بلغوا و انبتوا !!! و كمان كانوا لوطيين فيجب اعدامهم !! و الكلام ده وقت ما كان تنظيم القاعدة فى السودان . المهم ده بس للتذكرة فتنظيم القاعدة ولا هو حريص على المدنيين !!! ولا اى حاجة من الكلام ده .. الخلاف ما بينهم و بين داعش حول امور تنظيمية تانية هبقى اخاول اوضحها نظرا لأنى للاسف كنت احد معتنقى هذا الفكر