مين الناس دول ... و مودينى على فين ؟؟!! .... و فين هدومى ؟؟!!! و ايه اللى ملبسينهولى ده !! ... فين ماما و اخواتى !!! .... ده فيه ناس بتعيط ...... و ايه الشيلة الزبالة دى !!! مخمضتوا اللى جابونى ... بالراحة !! .... ايه يا جماعة مستعجلين ليه ؟؟!! .... ماشيين بسرعة اوى .. يعنى خلاص اتحملتونى السنين دى كلها و دلوقتى مستعجلين عايزين تخلصوا .... دى ماما بتعيط .. L ..... و اختى .... و اخويا !!!! .... اخويا مش بيشيل و عمال يتكلم فى الموبايل !!!! ... اخوك ميت و ليك نفس تتكلم فى الموبايل يا حيوان !! .... ماشى !!! .... طبعا ما تلاقيه فرحان هيروح دلوقتى يفتح الجهاز و يدعبس فيه و انا مش عامله باسوورد و يفتش فى اشيائى .. واااه حسرتاه ... رب ارجعنى اعمل باسوورد !!! ..... ايه ده وصلنا !! .......
رجل ملتحى : اللهم وسع عليه قبره ...... اللهم اجعل قبره روضة من رياض الجنة و لا تجعله حفرة من حفر النيران .....
انا : يا ساتر هو انتوا ورايا ورايا يا جدع ارحمونى .... مين اللى جاب الراجل ده اساسا ولا شفته قبل كده
الرجل الملتحى : ان الميت يعذب ببكاء اهله عليه !!!
انا : يا عم البارد سيبهم يعيطوا عليا شوية !!! .... هما بيعيطوا من عينيهم هما ولا من عينيك انت ... انت راجل غريب !!!!!!
الراجل الملتحى مخاطبا النساء : نهى النبى صلى الله عليه و سلم عن اتباع النساء للجنائز بلا بلا بلا ....
انا : ما تسيبهم واقفين يا بيييييض !!!! يخرب بيت شكلك ... حرام الواحد يتفرج على الناس و هما زعلانين عليه شوية !! يا ساتر !!
ده خلاص بيشيلونى و ينزلونى ... واااو انا مكنتش متخيل ان شكله كده من جوة .... بيقفلوا عليا خلاص !!! .... يا جماعة !!!! ... ما تسيبونيش لوحدى !! .... طب ممكن تسيبولى اباجورة ولا اى حاجة تنور ... يا جماااااااااااعة .... مشوا الجماعة L .... مممم انا لوحدى دلوقتى فى القبر !!! ..... هو ده بقا الموت اللى بيقولوا عليه هأ !! ..... ايه الملل اوفففففف .. انا متهيألى عدت ساعتين ولا اى حاجة حصلت ... فجأة !!! .... ضوء غريب يظهر و اتنين سود جايين عليا واحد تخييين اوى و التانى رفيع اوى و الأتنين قرع ولابسيين تيشرتات سودة ..... دول بيقومونى ... بالراحة بالراحة يا كابتن البتاع ده لو اتقطع انا مش لابس تحته حاجة فبلاش غباء !! ... انتوا مين !!!؟؟ ...الملاك التخين : احنا منكر و نكير و جينا عشان نسألك سؤال القبر ...
انا : يعنى هو ده حساب الملكين اللى بيقولوا عليه ؟؟
الملاك التخين : ايوة ...
انا : يعنى ده الإختبار !!! .... مممممم طب ممكن تسيبونى اراجع شوية
الملاك التخين : انت هتهزر !!!!! .... و دلوقتى مع السؤال الأول : ما رب
انا مقاطعا : لا لا ثوانى هو مين فيكم اللى منكر و مين اللى نكير ؟؟
الملاك التخين : هتفرق يعنى ؟؟
انا : ايوة معلش .....
الملاك التخين : اوكى انا نكير ... و اللى واقف هناك ده منكر
انا : لما انت نكير ليه لما بتيجى تعرف بتقول اسمه الأول .. المفروض تقول اسمك الأول بعد كده اسمه كى تبدو منطقيا انت عارف طبعا ان الحاجات دى
الملاك التخين : ما تخلص ياااااااااااض !!!!!!!! لوك لوك لوك لوك .... ايه راديو
انا : معلش اسف اتفضل .... و بالراحة علينا يا كابتن شوية
الملاك التخين : المهم ... دلوقتى هسأل و انت تجاوب ... ما رب
انا مقاطعا : يا كابتن معلش مش هو المفروض الملكين بيسألوا .... انا شايف ان انت بس اللى عمال تتكلم و تسأل و التانى ده واقف ساكت .. ده مش حساب الملكين بقا ....... ده كده حساب الملاك الواحد ....
الملاك الرفيع : انت تقصد ايه
انا : ولا حاجة !! بس من ساعة ما شفتكم و حسيت ان هو اللى مسيطر بصراحة ما تزعلش منى ... هو عمال يتكلم و انت ساكت هو بالجسم ولا ايه
الملاك الرفيع : ولا بالجسم ولا حاجة انا كمان هسأل
الملاك التخين : ايه ده !!! انت هتسمع كلام الواد ده ولا ايه
الملاك الرفيع : ايه مش اسمه حساب الملكين !!!! .... انا الملاك التانى يبقى انا من حقى انا كمان اسأل
الملاك التخين : و انت اى حد كده بيسخنك تسخن ولا يدحرجك تدحرج
الملاك الرفيع : ايه !! بيسخنك و تدرحج ... دلدول و معنديش شخصية انا بقا صح !!!! .... لا بص اوعى يغرك جسمك و النفخة اللى انت فيها دى ....... طب ايه رأيك ان انا اللى هسأل المرة دى
فيدفع الملاك التخين ... الملاك الرفيع بعيدا و يقول : وسع كده خلينا نخلص !! السؤال الأول ! ما ربك ؟؟
فيغضب الملاك الرفيع و يوجه لكمة قوية الى وجه الملاك التخين و انفه تحديدا فينقض عليه التخين و يطرحه ارضا و اخذوا يتقاتلون على الأرض و يثيروا كثيرا من الفوضى و الغبار فى قبرى المتواضع ... ثم بعد حوالى ساعة من الضرب و الرفس و الخنق لبعضهم البعض و انا اتابع لأرى مين هيكسب !!
الملاك التخين : بص احنا اتفقنا اننا هنسأل احنا الأتنين فى وقت واحد
انا : اوكى انا هعد واحد ... اتنين .... تلاتة ... فتسألوا فى وقت واحد ...... اوكى ؟؟؟
الملكين : اوكى ......
انا : يلا .. واحد .... اتنين ..... تلاتة
الملكين : ما ربك ؟؟!!!!!
انا للملاك الرفيع : على فكرة سبقك
الملاك الرفيع : تانى !! ... يا ابن ال******** طب تعالى بقا
و يتبادلون االلكمات و يتقاتلون من جديد !!! ...... ثم يأتى صوت عظيم من السماء : يا ولاد دين ال ********** .... كل ده بتحاسبوا فى واحد !!!! ... افشخوووه و اروه مقعده من النار يلا و تعالوا و حسابكم معايا بعدين
?انا : لاااااااااااااااااااااا هو انتوا هتعملوا ايه يا كابتن
الملاك التخين : الإجراءات الروتينية ... ضرب بالمطرقة بعد كده القبر يقفل عليك حتى تختلف اضلاعك ثم الثعبان الأقرع
انا : يا نهار اسود !!!!! .... مطرقة و ثعبان !!! دول طلعوا بجد
........ ثم يمسك الملاك التخين بمطرقة عظيمة و يتجه نحوى ..... فاسأله : هو حضرتك اللى هتضرب و هو اللى هيجيب الثعبان ولا هو كمان هيضرب و تجيب انت الثعبان ؟؟ ... فما هى الا لحظات حتى هجم عليه الملاك الرفيع مرة اخرى ليأخذ منه المطرقة و اخذوا يتقاتلوا من جديد ! ....
