رد فعل المسلمين على الاعجاز العلمى فى الفيدا ( كتاب الهندوس المقدس ) :

طبعا ممكن تكون مفاجأة للبعض ان مش المسلمين بس اللى بيزعموا موضوع الاعجاز العلمى . لكن كمان الهندوس !! بل ليهم اسلوب زغلولى برضه فى الاعجاز !! .. مثل تلك العبارة المنسوبة لأحد علماء ناسا ! :

It looks like that the writers of Vedas and Puranas came from the future to deliver knowledge. The works of the Ancient Arya Sages is mind blowing. There is no doubt that Puranas and Vedas are word of God. 
Scott Sandford, Space Scientist, NASA 

ما معناه و ملخصه انه بيعتقد ان كاتب الفيدا جه من المستقبل لنقل المعرفة و ان معندوش شك ان الفيدا كلمة الله !! .. فكانت ردود فعل اخواننا المسلمين على الاقتباسات اللى بيستدل بيها الهندوس على الاعجاز على 3 اقسام .. القسم الاول انكروا بالكلية و قالوا مش صحيح و واحد منهم حط ملف pdf بكل ثقة و بيقول اهو و الكلام ده كذب .. لكن للاسف نزلت الملف و لقيت الاقتباس منور فى الملف بتاعه :D  فهو تقريبا من الصدمة مخدتش باله و مدورش كويس معلش معلش ;) و طبعا بوجه عام الاقتباسات موجودة للى يتتبعها رغم صعوبة البحث فى الفيدا فهو كتاب ضخم جدااا !! و تحول و انت بتقراه .. اما القسم التانى من المعترضين منطقيين اكتر و قد اتفق معهم جزئيا و هى ان العبارات دى من الفيدا بلغة قديمة حمالة اوجه !!! و ممكن اى حد يفسرها بأى طريقة و انا اتفق معاهم ماشى . لكن طبق نفس المعيار على اعجازك المزعوم و ان كتابك برضه حمال اوجه و اى حد يقدر يفسره بأى طريقة ! اما القسم التالت بقا فدول الناس المسخرة اللى وصل بيها الامر انها تزعم ان الديانة الهندوسية ليها اصل سماوى لكنها حرفت !!!! ( عمر الديانة الهندوسية 6000 سنة ) بل وصلت صفاقة و بجاحة احدهم انه زعم ان محمد اتذكر فى الفيدا !!! :D

و بالمناسبة لمن يريد يطلع و يعرف اكتر عن الموضوع فعليه بكتاب :

the celestial key of the vedas : discovering the origins of the world's oldest civilization 

و اللى فيه الكاتب بيحاول يوصل لنتيجة ان كان هناك حضارة متطورة جدا قبل اليونان و الفراعنة . بناء على النصوص اللى بيعتقد انها تتفق بشكل كبير مع العلم الحديث من وجهة نظره .. المهم مش صعبان عليا فى الموضوع كله الا ناسا :D اى حد عنده اى كلام فارغ يقول ناسا .. ارحموا ناسا !!