لماذا تنتقد داعش ولا تذكر اسرائيل ؟

السؤال ده بحس انه مرتبط بالسؤال الفشيخ ( ليه مش بتنتقد الا الاسلام ) طبعا قبل كل شئ و منعا للمزايدات و الزياط انا طبعا ارفض  و احزن على الناس اللى بتموت فى فلسطين ولا ارضى عن الاستيطان و كل تلك التجاوزات و بغض النظر عن كون الشعب هناك ضحايا لقادتهم قبل ما يكونوا ضحايا لاسرائيل الا ان هناك اسباب عدة تجعلنى انا و غيرى اننا نعطى الاولوية فى النقد و التشريح للاصولية الاسلامية اكتر من الاصولية اليهودية او الصهيونية  

أولا : تاريخ الصهيونية او العنف من الجانب الاسرائيلى لو استعرضناه هنلاقى انه يتضائل من حيث الكم و النوع امام العنف و الارهاب الاسلامى !! اذ ان هذا العنف مقتصر على بقعة جغرافية محدودة من العالم و لمدى زمنى قصير اذا ما قارناه بالعنف الاسلامى المستهدف للعالم اجمع و لفترة امتدت ل 1400 سنة !! ... و فى عصرنا عندك داعش و القاعدة فى سوريا و العراق و غيرها .. عندك طالبان فى افغانستان و باكستان و بوكو حرام فى نيجريا و القاعدة فى الجزائر و اليمن و الحوثيين و حزب الله  و القائمة تطول  .. و عندك دول حلوة بتمول و ترعى الارهاب زى السعودية و ايران .

ثانيا : جوهر الحركة الصهيونية هى انشاء كيان يمثلهم فى بقعة جغرافية محدودة برضه .. انما الاصولية الاسلامية تستهدف العالم اجمع بمشروع الخلافة و غزو بلاد العالم و ارغام العالم على الخضوع لشريعتهم و معاييرهم و استهداف حريات و قيم الاخرين  ...

ثالثا : اسرائيل و الحركة الصهيونية و ان كانوا استخدموا الدين لتحقيق مصالح سياسية و تحويل الانتماء الدينى لقومية و انا ضد ده طبعا .. الا ان اسرائيل من الداخل تعتبر دولة  علمانية  فإسرائيل لا تحكمها تعاليم التوراة و لا التلمود المصدر الرئيسى للتشريع مثلا .. بل ان وضع المرأة و الاقليات فى اسرائيل  لا يقارن بدول الحكم الاسلامى الراشد زى السعودية و ايران و السودان الخ الخ ....

رابعا : بل حتى اسرائيل و من يطلق عليهم الصهاينة رغم كل شئ يبدون اكثر تسامحا و انسانية فى بعض المواقف اذا قارناهم بالعقلية الاسلامية عموما !! مثلا مستشفيات فى اسرائيل استقبلت مصابين من سوريا و من فلسطين ... هل فيه مستشفى واحدة او دولة اسلامية واحدة ممكن تستقبل او تعالج اسرائيليين ؟؟!! عمرى مثلا ما شفت فيديوهات اسرائيلية بيتفاخروا فيها  ان لاعب من عندهم فى بطولة رياضية رفض ان يصافح لاعب عربى او مسلم او ان عملوا اغنية بيقولوا فيها بنكره العرب او بنكره المسلمين مثلا او انهم عملوا برامج مقالب للمشاهير يتباروا و يستسابقوا فيها لاظهار العداء و العنصرية تجاه العرب و المسلمين على غرار ما يحدث فى اعلامنا الجميل اوى  .

خامسا : عمرى ما شفت فيديوهات اسرائيليين بيدبحوا اسرائيليين او اسرائيليين بيفجروا اسرائيليين او اسرائيلى مدنى بيقتل رسام كاريكاتير او بيخطف ناس جوة كافيتريا فى بلاد ما وراء البحار  الخ الخ بل ان اغلب ضحايا العنف الاسلامى هم من المسلمين انفسهم !! .. فلم يسلم منهم احد لا غير المسلمين ولا حتى المسلمين !!

سادسا : اعتقد ان الخسائر و الضحايا اللى بتتقتل على ايدهم  كل يوم فى بلدان مختلفة  اكتر بكتير من اللى ماتوا بسبب اسرائيل ..

سابعا : و ده الاهم الصهاينة مش هما اللى بيكفرونا هنا و يهدروا دمنا ولا هما اللى بيحرمونا من حقوقنا المدنية هنا او بيعتبرونا مواطنين درجة تانية ولا هما اللى حاطين لى فى بطاقتى دين انا مش مؤمن بيه و بيرغمونى عليه  ... اصدقائنا اللى اتسجنوا بتهم ازدراء الاديان و اللى اتضربوا و اتعرضوا لمحاولات قتل مكنش على يد الصهاينة ولا نصرة للشريعة اليهودية ... الصهاينة مش هما اللى احتلوا بلدى من 1400 سنة و نشروا دينهم و فرضوا لغتهم هنا بالقوة و ذلوا استعبدوا الناس ولا هما اللى حرقوا كنايس المسيحيين ولا قتلوا الشيعة ولا هما اللى قتلوا السادات ولا فرج فودة ولا هما اللى عايزين يوصلوا لحكم الله و لو على جماجمنا ولا هما اللى بياثروا فى حياتنا و محاصرينها من كل جانب فاقولها و بصراحة حاليا انا مشكلتى مش مع اسرائيل ولا مع الصهيونية دلوقتى .. و عموما لما نبقوا  بلد علمانى و ديموقراطى بجد نبقوا نتكلموا عن اسرائيل و نشوفوا بتعمل ايه .. اللى بتقوم حريقة فى بيته بيطفى بيته الاول مش بيروح لبيت الجيران .. و بالمناسبة محدش يكلمنى عن مؤامرات عشان  هقوله كلمة وحشة J

النبوة

دايما كانت اكتر فكرة عندى شكوك تجاهها و اعتراضات كتير هى النبوة ... اكتر من مسألة وجود رب من عدمه .. فمن هو النبى ؟ ... النبى هو وكيل السماء الحصرى و المتلقى الوحيد لرسالة الله دون بقية البشر  .. و الغريب فى فكرة النبى ان لو فعلا ( كما يزعم المؤمنين ) ان الإستدلال على وجود الرب فطرى و معروف كده بالعقل فإيه لازمة النبى ؟؟! ... تقول النظرية المقدسة ان الرب او الله خلقنا من اجل اختبار عظيم و كبير فاللى ينجح يدخل الجنة و اللى يسقط فيه يدخل النار .. فيقوم الرب بقا بمساعدة افراد قليلين من هؤلاء البشر اجابة هذا الإختبار !! فهو يكلمهم و يوحى ليهم شخصيا و حصريا !! و كمان فى النهاية داخلين الجنة بمنزلة اعلى من الناس التانية رغم انهم ناجحين فى الإختبار ده بالغش !! ... طبعا الإجابة المعروفة انهم مفضلين لأن ليهم طبيعة مختلفة و ارقى من البشر و سبق فى علم الله ان علم ذلك فأصطفاهم و بلا بلا .. اقول و بالله التوفيق برضه غش لأن هو اللى جعل لهم طبيعة مختلفة !! فهل بيكافئهم على شئ هما مالهمش فضل فيه ؟؟!! بل حتى بعض اتباعهم تحملوا من اجل دعوتهم اكتر منهم .. ففكرة النبوة غير منطقية و ظالمة و هزلية جدا 

و هنا نتسأل ما السبب فى ارسال و بعثة الأنبياء ؟؟ فى الحقيقة هما سببين كما يزعمون

 .... الأول : هو ان سعادة النبى ييجى يعرفك تتواصل مع الله ازاى او لو انت مثلا كنت قليل الأدب و بتزعم ان الله له ابن او فيه ناس تانية معاه فالنبى بقا هو اللى يعرفك ان ده غلط .... اما السبب  التانى  : انه يظبط تصرفاتك بقا و يفرض عليك تشريعات و يقولك ما تقتلش ولا تمارس الجنس مع امك او اختك او بنتك  الخ !!! .... اما بالنسبة للسبب الأول  فلو ان ادراك وجود الله فطرى و بديهى الخ ... فليه الناس مقدرتش تدرك انه واحد ولا شريك له ولا ليه ابناء  على طول من غير انبياء ولا غيره ! ... الم يكن الله قادر على ذلك ؟؟!! كمان لو قلنا ان الأنبياء جم عشان يعلموك ازاى تصلى لله و تعبده و تتواصل معاه .. فده برضه مالوش معنى .. ايه معنى التواصل ان كان عن طريق التلقين و التهديد بالنار !! ... هل الأفضل انه يسيبهم  يتواصلوا معاه بإرادتهم و بأسلوبهم اللى هيبقى اصدق الف مرة من تواصل بالتلقين و الحركات الألية و التهديد بالنار ... و فى النهاية نتسائل ايه معنى القضية دى من الأصل او اهميتها بالنسبة لخالق عظيم كبير مهول !! خلق ملايين المجرات و الكواكب .. ثم بعد ذلك يتفرغ لما يعتقده عنه بعض الكائنات الضئيلة التى تعيش على حبة رمل ضئيلة فى فراغه الكونى المهول عنه  !! و يبعت لهم انبياء و يعمل نار يهددهم بيها !! ...  حقيقة مسالة النبوة غير معقولة و الهدف منها مالوش اى علاقة بالرب او الإله ولا يمكن لإله او رب انه يحتاجها ان وجد  فالنبوة عنوان لتقديس و عبادة  البشر بعضهم البعض من وجهة نظرى..

اما السبب التانى :  فالنظرية المقدسة التى وراء ارسال و بعثة الأنبياء ... تفترض انه كما انك لا تستطيع ان تدرك ان الله واحد ولا شريك له ولا ابن لوحدك ( رغم ان ادراك الله عريزى و فطرى بزعمهم ) ... فانت برضه ما تقدرش يبقى ليك معايير تحكم اخلاقك و حياتك الخاصة و ( العامة ) !! ... فانت قاصر تماما و شرير بالفطرة و جاهل و بحاجة لوصاية سماوية عن طريق النبوة  لتنظيم امورك بما يرضى هذا الإله !! .... ... و التشريعات نقدر نصنفها لجزئين بوجه عام 1 تشريعات اخلاقية زى الكذب حرام ... الأمانة ... عامل والديك كويس ... لا تمارس الجنس مع امك !!! ...  2 تشريعات ليها علاقة بأمور عامة زى العقوبات و الحدود الخ ... فلو جينا استعرضنا الجزء الأول من التشريعات المرتبط بالأخلاق .. فهل فعلا الإنسان  محتاج للنبوة و الرسالة عشان يبقى عنده اخلاق ؟؟ هل الأخلاق مرتبطة بالدين ؟؟! .. مش هتكلم كتير بس اعتقد ان الواقع بيقول لا و الدليل ناس كتير من غير دين ولا بتقتل ولا بتسرق ولا بتقول على الكذب حلو او الخيانة جميلة او بيضربوا والديهم او بيمارسوا الجنس مع امهاتهم !!   بل ان الأخلاق و الوعى البشرى نجح فى تحريم امور قبيحة لم تتعرض لها الأديان كثيرا زى الإغتصاب و التحرش و العبودية و ممارسة الجنس مع الأطفال .. فالأخلاق نسبية و اغلب كلام الأديان فى الأخلاق بديهى جدا !!.. فانت مش محتاج وحى يقولك الكذب وحش او ما تكلش لحم البشر مثلا او ما تسرقش فكل شخص بيتصرف حسب ما تمليه عليه طبيعته فمن كانت طبيعته اجرامية مثلا لن تردعه الا قوة الفانون و العقاب اللحظى !!  ... نيجى لمسألة زعم وجود تشريعات عامة .. هل فعلا الإنسان لا يستطيع انه يشرع او ينتج قوانين تحكم حياته ... اظن انظر حولك و انت تعرف بل على العكس ما يسمى بالتشريعات العامة الدينية مغرقة فى محليتها و حبيسة زمنها و تنزيلها على الواقع احتاج لإجتهادات و تاويلات على مر العصور بل الإنسان تفوق على تلك التشريعات القديمة .. و لننظر الى دساتير العالم و قوانينهم و ازاى كفلت الحقوق .. الخلاصة نظرية النبوة افترضت فيك القصور  و العجز لكى تقبل فيما بعد حكم شخص وكيل للسماء و الناطق الرسمى بإسم الوحى و من بعده (خلفاؤه ) كما هو دين السنة !! او( الأئمة )و العترة من بيته كما هو دين الشيعة على سبيل المثال .. لذلك فالنبوة مرتبطة بالأرض و ليست بالسماء المزعومة

قصيدة لنصرة رسول الله ( بمناسبة احداث جريد شارلى )

ايا رسول الله يا خير من وطئ الثرى ....

الرحمة المهداة  هاديا و محذرا  ......

تبذل دونك و لشريعتك الأنفس

 او لكرتون عنك فى جريدة لا تشترى ......

بالوحى و القرأن كنت مطهرا ....

و غازيا للبلاد و سابيا للنساء مستأثرا .....

تجتمع الحشود لنصرة شريعتك  ......

التى فى الكتب القديمة مبهمة متناثرة .........

ليس فى تلكم الجموع من يدرى عنها

الا كلمات سمعها فى خطبة مؤثرة .......

ايا امة الحبيب التى عقلها بين افخذها

قد جبت اخرى منكم يا ولاد المرا!!!....

هل حقا سنعذب فى الاخرة ؟

يقول الله : ( افعيينا بالخلق الأول بل هم فى لبس من خلق جديد )

و يقول : ( ثم الجحيم صلوه ... ثم فى سلسلة ذرعها سبعون ذراعا فأسلكوه )

 النصوص الدينية  التى توضح كيفية البعث و التى بمقتضاها سوف يخلق الله اجسادا جديدة غير التى كانت موجودة و تحللت و فنت فى الدنيا !! .... حتى ان صفاتها التشريحية مختلفة تماما زى ما احنا شايفين ( سلسلة ذرعها سبعون ذراعا !!! ) يعنى الحلقة الواحدة من السلسلة 70 ذراعا فتخيلوا اللى يتربط بيها حجمه و شكله ازاى !! ..... و هنا نتسأل ما هو الإنسان و مما يتكون ... هل هو روح فقط ( ان سلمنا جدلا بوجودها ) ... ام ان الإنسان هو الروح و الجسد معا ؟؟!! ..

الإنسان هو الروح و الجسد معا حسب النظرة الدينية  ...  فإن الإنسان يعاقب و يعد مذنب بما يرتكبه جسده و ليس بمجرد ارادته الروحية فهما لا ينفصلان .... فلو عرفنا ده ... فهل من سيعذبون يوم القيامة او ينعمون هم من كانوا يعيشون على الأرض ؟؟!! ام نسخ اخرى لمخلوقات مخلوقة لغرض التنعيم او العذاب .... ما نشاهده هو فناء الأجساد بالكامل بما فى ذلك المخ المسئول عن كل العمليات العقلية و الأفعال التى نفعلها و كل ذكرياتنا و كل ملفات شخصياتنا ... كلها هتنتهى و هتفنى !! ... اذن هل المخلوق الجديد اللى هيتخلق فى الأخرة بجسم و انسجة و خلايا و ( مخ جديد ) و حواس اخرى جديدة !!! ...  هل هو انت فعلا ؟؟ ... ام نسخة لمخلوق اخر مستنسخ ... كيف يقول القرأن ان ايديهم و ارجلهم ستشهد عليهم بما كانوا يكسبون ... و هى ايدى و ارجل جديدة لم تكن فى الدنيا و لم ترتكب اى شئ !!! و عيون لم ترى شئ و اذان لم تسمع شئ ... بل هو كائن اخر جديد مزود بنسخة لذكريات كائن اخر كان يعيش فى عالم اخر ليعذب هو بما فعله هذا الكائن الأخر للابد !! ... فكما قلنا الإنسان روح و جسد زى ما بيقولوا ... فالجسد الميت فقط يسمى جثة صح لأن الروح فارقته كما يقال .... فهل ما يسمى بالروح فقط دون جسد هى الإنسان ؟؟!!! ... اعتقد لا ! .... اذن فالبشر الذين سوف يبعثون او يخلقوا من جديد بأجساد و امخخ و حواس جديدة ما هى الا كائنات اخرى و ليسوا نحن !!! فنحن سنفنى و الله هيخلق ناس جديدة يعذبها و ينعمها !! ... لذلك اعتقد ان القدماء المصريين كانوا اكثر منطقية شوية فى نظرتهم لقضية البعث من اصحاب ما يسمى بالديانات الإبراهيمية حين حرصوا على حفظ الجثث !!  ........

سورة الفيمينست

و النساء و الفيمينست ...... و جبل افريست ..... نسوة فاجرات ..... عن دين الله معرضات ......... و لتكريم الإسلام لهن جاحدات ..... انا جعلناهن حريما و كرمنهن تكريما .... فزوجناهن اطفالا ..... و فشخناهن كبارا ....  مضروبات ان نشزن تأديبا و تهذيبا و اصلاحا..... و فى الأخرة حوريات قاصرات فى الخيام ابكارا ...... فمالكن لا ترجن لله  وقارا ..... وقد جعلنا منكن للنبى هبات ثيبات و ابكارا .... و اماءا و احرارا .... و حبسناكن و اقررنكن فى البيوت اقرارا .... لتشكرن الله و لتسجدن له اكبارا .... فمالكن عن دين الله راغبات .... و على شريعته متمردات .... و تخرجن متبرجات سافرات كاسيات عاريات و متعطرات  ......مائلات مميلات.....خاضعات بالقول مايعات متغنجات  .... فاجرات و فاسقات .... للإفرنج متبعات ..... للحجاب و الاكياس السوداء تاركات .... فتبن الى الله يكفر عنكن سيئاتكن و يدخلكن جنات تجرى من تحتها الأنهار يوم لا يخزى الله الذين امنوا كذلك يجزى منكن الصالحات   

نظرية التصميم الفشيخ بين النقص و الكمال

بوست فى صفحة علمية عن نوع من الحشرات الصغيرة ..  عندها جهاز هضمى كامل و كل شئ الا انها من غير فم !!! فالنتيجة انها بتموت من الجوع ! .. طفرة جينية يعنى .. و فى الحال كالعادة هنا حيث بلاد الدروشة كان رد فعل كثير من الاخوة  بتوع التصميم الذكى هو التبرير بطرق مختلفة واحد كاتب مثلا : اكيد فى حكمة من كده احنا ما نعرفهاش !! .. واحد تانى جاب كلام عام عن دورة حياة الحشرات عموما !! عشان يقول انها مش محتاجة للاكل فمش لازم يبقى ليها فم  !! رغم انه بيقر انها بتموت من الجوع !!! ( مش محتاجة للاكل و بتموت من الجوع الاتنين !! ) . النوع التالت من الكومنتات هو كان تكرار لفكرة و تبرير سخيف من وجهة نظرى لأى عيوب او عشوائية تتواجد فى الطبيعة او الكون تناقض فكرة المصمم الذكى الفشيخ ( و بيستخدموها برضه فى تبرير وجود الشر او فعل الله للشر ! ) و كان قالها مصطفى محمود و غيره و هى فكرة ملخصها ان عشان انت تدرك او تعلم قيمة الكمال او قيمة الصحة او الخير اللى انت فيه فلازم تشوف النقص و تشوف الشر !! ..... بمعنى عشان حضرتك تعرف قيمة الصحة اللى انت فيها مثلا فلازم الله بسلامته يفشخ واحد تانى فى افكاره و يخلقه مشلول مثلا او مشوه و يعيش طول حياته بيعانى و يتألم بس عشان يبقى عبرة و حضرتك تبص عليه كده و تقول الحمد لله !! .. و قيس على كده بقا الحشرة اللى من غير فم خلقها كده اكيد عشان اخواتها الحشرات يشوفوها و يحمدوا ربنا ان هما ليهم فم !!! ... واحدة ست غلبانة و فقيرة مثلا تروح تولد فى المستشفى و تتبهدل هى و جوزها عشان تولد طفل مشوه يموت بعد الولادة بلحظات و كل تلك المعاناة طبعا بس !! عشان العاملين فى المستشفى مثلا و قرايبها يبصوا كده و يقولوا سبحان الله شايفين النقص يا ولاد ؟؟ الحمد لله على اللى احنا فيه . فالله يجعل من الابرياء فرجة و عبرة  لغيرهم لاثبات قدرته و كماله الفشيخ ... طبعا بغض النظر عن سخافة الفكرة الا انها بتنقض نفسها بنفسها حسب مصطلحاتهم . لان ايه قيمة ان واحد يعرف قيمة اللى معاه او يدرك الجمال او الكمال ( رغم ان لا كمال )  بتعذيب كائن تانى !! .. و هل الله الفشيخ لا يملك اى وسائل اخرى ... حاجة تانية فى حالة الشر مثل و انه بيسمح بالشر عشان نعرف قيمة الخير !! ... طيب مش كفر النعمة و عدم ادراك الخير من الشر ... يبقى كده كده لو الله ما سمحش بالشر و لم يسمح الا بالخير فالناس اوتوماتيك هتبقى مدركة الخير لوحدها و من غير وجود شر لأن ساعتها لا يمكن ان يكونوا كفار بالنعم نظرا لأن مفيش شر .. مش كده ولا ايه ;)  ... ثم ان ايه اهمية القضية من اصله ادراك الخير ولا الكمال و الجمال الخ ... عشان شخص تانى او كائن تانى يتفشخ ... اعتقد الصريح مع نفسه لو شاف اطفال بدون وجه فى احد المستشفيات الحكومية و مشوهين و اهاليهم فقراء جداا  لا يمكن يقدم على ان يقدم لنفسه تلك التبريرات العبيطة ... و فى النهاية ادعو اخى معتنق نظرية التصميم الفشيخ الى تأمل شئ لنفترض ان تبريرك ده احتمال قائم ان يمكن فعلا الله خلقهم كده عشان احنا ندرك الكمال و بلا بلا ... بس مش يمكن برضه ان يكون وجود النقص ده دليل على ان لا فيه مصمم ولا بطيخ و انك بتشتغل نفسك ؟؟  .... فلا انا و لا انت نستطيع ان نجزم بشئ .. فارحمونا من تبريراتكم الفشيخة