السيكوسيكو الحلال و السيكوسيكو الحرام :

كنت اتابع بوست على الفيس  كان  عن احد العاهات المحسوبين اعلاميين و هو بيعلق على تصريح لممثلة عايشة مع صديقها بدون زواج ( الطامة و الجريمة الشنعاء فى مجتمعنا الطاهر الملائكى طبعا  ) و هى بتقول ان اى علاقة معلنة فهى حلال .. فيرد هو : يعنى انا اجيب اى واحدة كدة و اقول للناس احنا بينا سيكوسيكو كده حلال ! .... طبعا من الممكن جدا جدا نردوا عليه و نقوله لا ان راجل فوق الخمسين يعمل سيكوسيكو مع طفلة 9 سنين هو اللى حلال ! او ان اختطاف و اسر و اغتصاب نساء فى الحروب هو اللى حلال ! انما مش موضوعنا .. موضوعنا هو السيكوسيكو الحلال (حسب مفهومهم)  ايه اللى بيحول فعل مشين مستهجن فاضح شرير محرم و مجرم و مستهجن  زى السيكوسيكو  من حرام الى حلال   ؟؟!! .. و طبعا الاجابة هى الجواز . و لكن  هو الجواز ايه غير اتنين رايحين يعملوا سيكوسيكو برضه  و قدام الناس !! فلو قلنا ان معرفة الناس او المجتمع بده هو اللى بيخليه حلال و حلو طب ما ممكن اى علاقة تبقى معلنة و الناس عارفة بيها برضه ليه ما تبقاش حلال ؟؟ ثم ان ايه اهمية معرفة الناس و ليه معرفتهم بتخلى السيكوسيكو حلال ؟؟ و ماذا عن اللى بيتجوزوا فى السر مثلا و بتعتبروا انه حلال و شرعى طالما فيه اتنين شهود و عند مأذون  !! .. هل هو العقد اللى بيحول العلاقة او السيكوسيكو بين اتنين من حرام لحلال ؟؟ .. و هل زمان كان فيه عقود و هل العقد منطقيا يحول شئ قذر شرير زى السيكوسيكو من كونه حرام ليصبح حلال .. هل لأن الراجل بيدفع مهر و بياخد واحدة بفلوسه هو اللى بيخليه حلال ؟؟ طيب ما اى واحد بينام مع عاهرة بيدفع لها برضه ! هل عشان موضوع اختلاط الانساب ؟ طيب ما فيه وسائل تحدد الانساب دى دلوقتى زى الدى ان ايه  ! كمان فيه موانع حمل ! طب ما ما فيه ستات عدت سن الانجاب هل حلال انها تمارس الرذيلة و السيكو سيكو مثلا !! طبعا هيقولوا لااااا !! يبقى التحريم مالوش علاقة بموضوع الانساب !! ده غير ان من الممكن جدا ان واحدة متجوزة و تنام مع واحد تانى و تحمل منه و يتكتب بإسم الزوج و تختلط الانساب برضه و الحديث الشريف يقول الولد للفراش ( فراش الزوج يعنى )  !! . هل الأهم الصدق و التفاهم و الثقة و الرضى بين الطرفين ولا العقود و الناس و الكلام الفاضى ده كله ... فالجواز ما هو الا ذلك العقد السحرى العجيب الذى يجعل الرجل الشرقى الغيور اوى  المستعد لقتل اخته او بنته اذا اكتشف انها تمارس السيكوسيكو مع احدهم ان يرقص و يتنطط طربا و ان يدعوا اصدقائه كمان كى يحتقلوا معه بأخته او بنته التى سوف تذهب مباشرة  امام عينه مع احدهم لتمارس السيكوسيكو معه !!! و هيبقى مبسوط جدا و الناس بتهنيه كمان !!! .....  فكروا فيها شوية بالعقل  بعيدا عن النصوص الدينية و شوفوا انتوا صح ولا لا .. قبل ما تنتقدوا و تهاجموا و تشغلوا نفسكم بحياة و علاقات الاخرين