حول محاضرة ( و يسألونك فمن خلق الله ) لعدنان ابراهيم :

- قوله ان الملحد ملزم انه يثبت كيف وجد الكون !! . كلام فاضى ولا الملحد ولا غيره ملزم بده ! فمن يأتى بفرضية فعليه اثباتها ! فالمثبت هو الملزم و ليس المنتقد او النافى .

2 - كعادة رجال الدين بتاع كله ماشاء الله يعرف فيزياء و احياء و فلسفة الخ الخ

3 - رغم انى غير متخصص علميا الا ان هناك قدر من الفتى و الهس لا بأس به فى المحور العلمى مثل الجزم و القطع ان المادة مصيرها الفناء طبقا لقانون الديناميكا الحرارية و انها مسألة محسومة علميا !! و ببحث بسيط على جوجل باللغة الانجليزية حول مصير الكون the fate of universe  هتلاقى كلام للعلماء مختلف عن مصير الكون و هناك نظريات و فرضيات ترجح استمرار الكون و ان لا نهاية له كما ان لا بداية له و كلام عن طاقة المادة السوداء و ليلة  ! فالمسألة مش علميا محسومة كما ادعى  بل ان هناك من العلماء من افترض 6 فرضيات مختلفة لمصر الكون . و على فرض فناء الكون فده لا يثبت خلق ولا يثتب الله . بالاضافة الى نفى و اثبات النظريات العلمية كده بجرة قلم زى ما ابطل نظرية الاكوان المتعددة بحجة علمية فشيخة الا و هى : ايهم ابسط كون واحد الله خالقه ام اكوان متعددة !!!! حجة علمية فشيخة طبعا .

3- غرور و تعالى على المخالفين فستيفن هوكينج سخيف ( بدون الرد على اى طرح ليه ) و جان بول سارتر سيبدو كالطفل الان ! ( هو اللى هيخليه يبدو كالطفل ) .

4- نسب لريتشارد دوكينز انه ادعى ان الانتخاب الطبيعى يفسر نشأة الكون و النجوم !!!! و هذا ما لم اسمعه او ادعاه ريتشارد دوكينز . او سمعته ليه بل سمعت العكس ! . فيمكن اختلط عليه الامر معلش سأحسن الظن بيه و مش هقول كذب عليه  .

5 – مر مرور سريع على قانون المادة و ان المادة لا تأتى من العدم ولا تفنى !! ( ازلية المادة ! ) و نسبها للماركسيين !!! لكنه اقرها ! و ادعى انها توافق قول القرأن ام خلقوا من غير شئ ام هم الخالقون . فيقول ان طالما المادة لا تاتى من العدم ! فمن اعاطاها الجزيئة الاولى !!! سؤال ( من ) عجيب و غير منطقى بالاضافة الى انه غير منتبه او بيستهبل ان طالما لا تفنى ولا تأتى من العدم اذن فلا عدم !! فإن لم يكن هناك عدم فحضرتك لا تستطيع ان تثبت الخلق لأن عشان تثبت خلق المادة و عدم ازليتها لازم تثبت العدم ! اللى حضرتك لسة نافيه من شوية لكنه مر على تلك النقطة بسرعة على طريقة المتدينيين بلا بلا بلا اذن الله موجود ! .

6 – كالعادة منطق الاحتجاج بالجهل ( وضع الله فى الفراغات ) اى حاجة ما نعرفهاش او لسة العلم ما توصلش ليها من وجهة نظرة يبقى الله هو اللى عاملها !!! مؤقتا طبعا لحد ما يكتشفها العلم

7 – كلام كتير فى المحور الفلسفى كله حول السببية و العلة و المعلول و كل الهتش ده و محاولة من الهروب من السؤال القاتل ( فمن خلق الله ) و ملخص كلامه ان كل موجود وجوده تعلقى ( يحتاج لغيره يعنى ) يحتاج الى علة فيما عدا الله !! ( اللى لا درسناه ولا نعرف طبيعته ولا نعرف عنه حاجة ) لأن وجوده ليس تعلقيا !! و الرد على هذا لا يحتاج فيلسوف اولا كيف نستدل بقانون نستخدمه فى اثبات وجود اشياء وجودها تعلقى و تحتاج لغيرها زى ما بتقول على وجود شئ لا قبل لنا به ولا نعرفه ! فالاشياء تدل على عللها اللى هى اشياء شبيهة ليها فى الغالب و تخضع لنفس قانونها . ثم من الممكن ان نزعم ان الكون نفسه و المادة فى نشاتها وجودها ليس تعلقيا ! ولا تستطيع اثبات شئ فى هذا فانا مش متخصص انما الكلام مش مقنع ابدا و هزيل  .

7 – كل الكلام عن الوجود و الغير موجود و من اوجد من غير ما يعرف طبعا ( كعادتهم ) ما هو الوجود اصلا ! ايه تعريفه و ايه الدليل عليه .. طبعا السؤال ده اتألف فيه كتب ! و محدش وصل لحاجة على حد علمى J) .

8 – الخلاصة لف و دوران و رغى لمدة ساعتين تقريبا  من غير ما يجاوب على السؤال اللى مش هيتجاوب عليه ابدا ! فمسالة وجود او عدم وجود اله او الهة متعددة .. ترجع لاحساس الشخص او ضميره و الكلام ده و العوامل المجتمعية المحيطة بالشخص فإستخدام العلم و المنطق فى الاثبات و النفى فى تلك الامور فاكس من رأيى