قائمة تكفيرى فى الايام الخوالى

لقد كان التكفير و موقفك كمسلم من بعض الشخصيات و الهيئات و الوظائف هى معيارى فى تقييمى للاشخاص و حكمى عليهم فى تلك الازمنة الغابرة حيث كنا كمؤمنين مسلمين ملتزمين دعاة و قضاة و منفذين للاحكام فى بعض الاحيان كل فى ان واحد ! و دى قائمة التكفير الخاصة بيا وقتها :

1 - رئيس الجمهورية : فهو الطاغوت الحاكم بغير ما انزل الله .

2 - الوزراء من اول رئيس الوزراء لحد وزير الرى !

3- القضاء و النيابة و اى شخص يعمل كمستشار اى اى هيئة تشريعية او قضائية فهو كافر مرتد ! .

4- المحامين !! : مكنتش بكفر المحامين ! ( نظرا لارتباكى بسبب بعض المحامين الاسلاميين ) الا انى كنت اجد فيها شبهة الشرك ! لأن فيها تحاكم الى الطاغوت ( القوانين الوضعية ) و عدم الكفر به ! .

5 - الشرطة !! : طبعا طبعا الشرطة ( كلهم ) من اول وزير الداخلية وصولا الى الظباط و الامناء ! حتى طلبة كلية الشرطة كانوا كفار مرتدين عندى ! فيما عدا المجندين ( تجنيد اجبارى ) لشبهة الاكراه ! .

6 - المخابرات و امن الدولة و كل العاملين فى اجهزة زى دى طبعا .

7- الجيش ! : من اول القيادات وصولا للظباط و العساكر المتطوعين كلهم كفار طبعا مرتدين ما عدا المجندين اجبارى برضه ! .

8 - رئيس المجلس التشريعى ( البرلمان ) : طبعا كافر مرتد بلا نقاش عندى ! لأن التشريع لله وحده ! فكيف لبشر ان يشرع !

9 - اعضاء البرلمان او مجلس الشعب ! : مكنتش بكفرهم علانية لوجود اسلاميين فيهم و تجنبا للحرج و الجدل ! لكن كنت مقتنع ان دخول البرلمان فعل شركى كفرى خاصة و ان الداخل الى البرلمان يقسم على الالتزام  بالدستور و الوضعى و ده سر عبارة ( بما لا يخالف شرع الله ) اللى ابتكرها السلفيين لما كانوا بيقولوا قسم المجلس ! .

10 - شيخ الازهر ! .

11- مفتى الجمهورية ! و اى شيخ يدعى للرئيس على المنبر او يوالى حكومة و دولة الردة ! لذلك كنت بتجنب الصلاة فى مساجد الاوقاف و اقول عنها مساجد ضرار ! .

12 - القرضاوى ! :D : كنت بكفر يوسف القرضاوى فعلا و ابغضه جدا خصوصا بعد الفتوى اللى اصدرها بجواز انخراط المسلم الامريكى فى الجيش ليحارب ضد ( المجاهدين ) فى افغانستان .

13 _ اليسار - الليبراليين - العلمانيين كل دول مفروغ من ردتهم

14 - 99 فى المية من المثقفين !

15- على الجفرى ! : على الجفرى كان قبورى هالك مرتد فى نظرى .

16 - الصوفية : اغلبهم عندى كفار مرتدين لأنهم كانوا مشركين فى نظرى و الاقلية فيهم اخف احاولهم عندى انهم مبتدعة .

17 - الشيعة الروافض طبعا ....

ده اللى انا فاكره دلوقتى :D ...

الخطوبة فى الاسلام

هى : خرجت مع خطيبى لوحدنا و مسك ايدى و بالليل بقا شوفى الصياعة كلمنى فى التليفون !! ...
صديقتها : يا للهول !! ماذا فعلتى اختااااه !! تكاد السماوات ينفطرن و تشق الارض و تخر الجبال هدا !! و يتشقلط عرش الرحمن مما فعلتى اختاه !! توبى الى الله لما تسيبيه يمسك ايدك و يكلمك فى التليفون ! فماذا بقا لتفعلونه بعد الزواج لما يمسك ايدك دلوقتى هيبقى خد غرضه و هيخلع ! ( غرضه انه يمسك ايدها ) و قد سمعت كثيرا عن بعض الشباب المتهتك يخطب واحدة و ياخد غرضه الدنئ منها ( يمسك ايدها ) ثم يذهب ليمسك ايد واحدة تانية بحجة الخطبة و العياذ بالله . وا اسفاه على شباب الاسلام
هى : اهئ اهئ يا ويلتاه ماذا فعلت اغفر لى يا الهى انى كنت من الجاهلين و الان اخبرينى اختاه ماذا افعل ؟؟
صديقتها : توبى الى الله و اعلمى ان خطيبك غريب عنك ! زيه زى اى واحد معدى فى الشارع ! .. فلايجوز انه يشوفك الا مرة مع وجود محرم ولا تحدثيه ابدا ! الا للضرورة و مع وجود محرم ! ولا صافحك ابدا و لاتلوحى له حتى باى باى من بعيد الا مع وجود محرم و التلويح باصبعك فقط و لو سمعتى صوته حتى عند وجوده فى منزلكم فسدى اذنيكى فالاذن تزنى
هى : جزاكى الله خيرا و غفر الله لى .....
أنا : اقترح ان يتم الغاء الخطوبة من اصله و اللى عايز يتجوز يكتب طلب بمواصفات العروسة يرسل بالبريد الى البائع ( والد العروسة ) ليقوم بعد الفترة المحددة بإرسال العروسة الى المشترى ( العريس ) فى طرد محكم الاغلاق بعد كتابة العقد و الف مبروك

البداية و النهاية 17 ( موسى و الخضر )

- -        الله مستشيط غضبا فى السماء السابعة و يضرب الجرس ليستدعى جبريل الى غرفة مكتب العرش :

جبريل : ايه فيه ايه ؟؟ مالك ؟

الله : شفت الالدغ ابو نص لسان و عزتى و جلالى لأطلع دين امه و اعرفه انا مين . انا كنت غلطان من الاول لما تواضعت و كلمت دين امه و خليته الكليم !

جبريل : موسى ؟؟ عمل ايه ؟؟؟

الله : و هو قاعد بيخطب واحد يسأله مين اعلم اهل الارض يقوله انا تخيل !

جبريل : اوففففف و دى فيها ايه !؟ مش هو من اولى العزم من الرسل بتوعك دلوقتى و مفيش اولى عزم غيره فلازم يقول كده!

الله : لا كان لازم يقول الله اعلم يا جبريل ! انا مش طرطور يا جبريل انا الله !!! انا الله !

جبريل : خلاص خلاص حاضر هبقى  انزله و اقوله يا موسى يا حبيبى عيب كده المرة الجاية لما حد يسألك ابقى قوله الله اعلم !

الله : لا مش هتروح له ولا تقوله انا ليا ترتيب تانى هعمله اختبار فشيخ يطلع من دماغه . هتساعدنى فى ترتيب الاختبار الفشيخ ده !

جبريل : يا دين امى !!!! تانى اختبارات !!! يا عم الموضوع مش مستاهل يا عم كبر دماغك بقا !

الله : بقولك ايه ياض ما تعصبنيش قلت لك قبل كده ان ده كونى و انا حر فيه ..

جبريل مقاطعا : كونى اغسله و اكويه . افرده و اتنيه !! خلاص حفظتها قلتها ستين مرة ...... هعمل ايه !!

و بعد ان رتب جبريل كل شئ مع العبد الصالح الخضر ذهب موسى للقاء الخضر فذهب حتى وجده على شاطئ البحر فقال : انت المعلم الخضر ؟

الخضر : ايوة مين ؟؟

موسى : انا موسى

الخضر : كلمة السر ايه

موسى : كتكوت !

الخضر : بس شكلك واد طرى كده لن تستطع معى صبرا !

موسى : نعم !!!!

الخضر : لا  لاقصدى  يلا بينا لو عايز تتعلم هعلمك بس على شرط اوعى تسألنى عن اى حاجة الا لما انا اقولك عليها ماشى يابا ؟؟

موسى : ماشى ماشى اخلص عشان هنتأخر ثم يهمس دين امك على الصبح . ثم مشيا حتى اذا ركبا سفينة اصحابها يعرفون الخضر فطلب الخضر من موسى ان يذهب و يسأل صاحب السفينة عن عنوان ما  فأخذ الخضر فأس ثم خلع لوحا من الواح و السفينة و قال لموسى : اجرى يلاااااااااااااااا فقفز موسى و الخضر من السفينة هربا من غضب اصحاب السفينة .

موسى ممسكا بالخضر : ايه اللى انت عملته ده يا ابن الوسخة  بتخرم السفينة عشان تغرق اصحابها ؟؟!

الخضر: يا عم انا مالى دى اوامر ربك الم اقل انك لم تستطع معى صبرا !

موسى : صبرا ايه !!! ده انا مش هسيب دين امك . ايه اللى انت عملته ده ياض ؟؟

الخضر : يا برنس فيه ملك عمال بياخد المراكب غصب من الناس فربك قالى اخرمها فلما الملك يلاقى فيها عيب ما يخدهاش !

موسى : يا سلاااام !!! هو ملك ولا صياد سمك بك* امك ! ده انت خرمتها و هتغرق يا اخويا !

الخضر : لا لا مش هتغرق ولا حاجة هما هيصلحوها و يحطوا لوح جديد!

موسى : احا !! ما لما هيصلحوها الملك هياخدها انت عبيط ياض !! ما كنت تروح تقول لصحابها و تحذرهم احسن ! 

الخضر : يا عم انا ماليش دعوة ربك هو اللى قالى اعمل كده سيب رقبتى بس و اهدى و خلينا نكملوا دين ام الرحلة دى .

ثم مشيا و بينما هم فى الطريق وجدوا بعض الاطفال يلعبون فقام الخضر بخطف احد الاطفال ثم جرى به بعيدا و موسى يجرى وراءه مندهشا ! حتى وصل فوجد الخضر قد قتل الطفل ! ..

موسى : ايه اللى انت عملته ده يا ابن المت**كة !!!

الخضر : انا قلت من الاول انك لن تستطع معى صبرا !

موسى : صبرا !! ده انا هشرح دين امك ! و يخرج موسى سكينا و يطارد الخضر .

الخضر : يا عم ربنا اللى قالى يا عم انا مالى !!! قالى اقتل الواد ده عشان هيطلع كافر ابن وسخه و هيكفر امه و ابوه معاه فخلانى انا اقتله و اريحهم منه عشان هيعوضهم بواحد تانى !

موسى : احا طب مكنش خلقه من الاول ! و الراجل و الست يزعلوا على ابنهم ليه ! و ليه الواد يموت بالطريقة دى !! هو لسة كبر ولا عمل حاجة لسة !

الخضر : ما هو كده هيموت قبل ما يبقى مكلف يا عم و يدخل الجنة

موسى : ما هو سايب الناس كلها تكبر و تبقى كفار جت على ده يعنى ! و بعدين ما كان موته هو بمعرفته ولا وهو نايم ارحم ولا اداله فرصة  تخليه صالح ولا يعذبه بالطريقة دى ولا يزعل الناس على ابنهم احسن ما يديهم واحد تانى  !!

الخضر : ما هو موته كده عشان عايز يعلمك يا عم انا مالى !

موسى : دين ام ده تعليم ! يلا اخلص خلينا نمشوا من هنا !

فمشيا حتى اذا اتيا قرية اهلها بخلاء و لم يضيفهما و كان هناك جدار ايل للسقوط فأحضر الخضر عدته و قال لموسى ساعدنى سوف نبدأ فى ترميم هذا الجدار ! فبعد ان فرغا من الجدار قال موسى للخضر : بقولك ايه انا طلع دين امى معاك فى الجدار ده احنا نطلب اجرة شغلنا من ولاد الوسخة دول

الخضر : ما ينفعش ! انا قلت من الاول انك لن تستطع معى صبرا

موسى : هو ايه اللى ما ينفعش ! ليه ما ينفعش

الخضر : عشان ربك خلانى ابنى الجدار ده عشان تحتيه كنز يخص عيال ايتام فلو وقع الناس دول هيشوفوا الكنز و ياخدوه انما كده لما العيال تكبر هتلاقى الكنز بتاعها !

موسى : و هى العيال عارفة ان فيه كنز ليهم هنا ؟؟

الخضر : مش عارف بس  ربنا عارف و اكيد هيقولهم !!

موسى : هيقولهم ازاى هيبعت لهم جبريل يعنى ! و بعدين انا مال اهلى بكل القصة دى انا عايز حقى يا عم

الخضر : احا !! ما هو عشان تتعلم !

موسى : اتعلم ايه بروح امك ؟؟ اتعلم خرم المراكب ولا قتل العيال الصغيرة ولا اتعلم المحارة فى يومك اللى مش معدى ده !!

الخضر : انت هتعلى صوتك ليه ياض !! بقولك ايه هذا فراق بينى و بينك و غور من هنا يلا

موسى : ولا انا عايز اشوف وش دين امك بس مش همشى من هنا الا لما اخد حقى الاول ! هفتح تحت الجدار و اخد حق تعبى من الكنز و اقفل و اسيب الباقى !

الخضر : هأ ده عند امك !! عارف يعنى ايه عند امك !

موسى : ما بلاش ما تخلنيش اعملها معاك !

الخضر : ك* امك !!  ولا تعرف تعمل معايا حاجة

فينطلق موسى مناديا بأعلى صوته : يا قوم ! الراجل اللى معايا ده حرامى و سرق كنز من عندكم و مخبيه تحت الجدار اللى لسة بانيه ده

الخضر : يا ابن الوسخة !!!

فتنطلق الجموع وقد امسك جزء منهم بالخضر للفتك به بينما انشغل الباقين بتحطيم الجدار و الحفر تحته لاستخراج الكنز !

حديث الكساء ! ( بطانية او لحاف او ميكروباص ! ) :

الزمان : يوما ما بعد هجرة النبى

المكان : بيت ام سلمة

قد دخل النبى بيت ام سلمة و عليه كساء فدخل عليه الحسن فدخله معاه تحت الكساء ! فدخل الحسين فدخله معاه تحت الكساء ! ثم جاءت فاطمة ( كلهم بييجوا ورا بعض سبحان الله ) فادخلها معاه برضه تحت الكساء ! ثم جاء على ! برضه سبحان الله فأدخله معاه تحت الكساء او اللحاف ده ! .. ثم لفهم هم الاربعة بالكساء و هو يجرى حولهم بالكساء ليلفهم مرددا : التعلب فات فات و فى ديله 7 لفات ثم قفز الى داخل الكساء معهم فلم  يعد كساء احبتى فى الله بل ميكروباصا اعزكم الله ثم تلا الاية : ( إنما يريد الله ليذهب عنكم الرجس أهل البيت ويطهركم تطهيرا ) !! ادينى علمتهم ليك اهم يا رب عشان تعرفهم و  تنشن و تصوب عليهم خرطوم التطهير كويس !

فقالت ام سلمة : و انا معهم يا رسول الله ؟!

فقال رسول الله : ها !! انتى على خير بس خليكى مكانك عشان بس الكبالن و المساعدين ثم غمز الله و هو يشاور داخل الكساء و قال : هؤلاء اهل بيتى و اهل بيتى احق سيبك من الولية دى يارب ! .

ده طبعا النسخة السنية الكساء 5 راكب بس ! فى النسخة الشيعية بقا 6 راكب تخيلوا ! :D .... عشان جبريل استأذن من ربنا و دخل هو كمان معاهم فى الكساء !!!! ذلك الحديث الشريف و معه بعض الاحاديث الاخرى كانت من الاسباب الجوهرية لردى و كفرى بالسنة النبوية المطهرة اوى :D

تبرير القتل بالقتل و التحرش بالتحرش ! :

على طريقة الاسلاميين فى تبرير  القتل و الدبح و الحرق بأن امريكا ضربت اليابان بالنووى و قتلوا الهنود الحمر ! فلا باس اننا نقتلوا احنا كمان! فوجئت ببعض الناس تنشر و تشير مثلا خبر عن تقرير حكومى فى عاصمة اوروبية ان 100 % من النساء فى ( العاصمة )  تعرضن لتحرش لفظى او بصرى او جسدى فى المواصلات العامة ! طبعا بغض النظر عن ما يعتبرونه تحرش هناك ان حتى فيه ( تحرش بصرى ! ) و عن ان الحكومة هناك اتحركت لاتخاذ اجراءات و محدش قال البنات هى السبب ولا لبسهم ! و بغض النظر ان الموضوع ظاهرة  فى مكان محدد مش واخدة شكل الوباء  فى الشوارع و الميادين زى عندنا ولا شوفنا بنات بيتحرش بيها جماعيا و تتقطع ملابسها بالكامل فى الميادين العامة وسط حضور الاف البشر ! ولا شوفنا فضيحة التحرش بصحفية بتغطى احداث الثورة و محاولة اغتصابها فى ميدان عام ! ولا شوفنا الشرطة هناك مثلا بتنزل قوات عشان تأمن دور السينما و الاماكن العامة لحماية البنات من قطعان المتحرشين اللى بينطلقوا فى الشوارع بكثافة فى الاعياد . و بغض النظر عن التقارير اللى بتتكلم عن التحرش فى مصر عموما مش فى المواصلات بس ! ولا مدينة معينة بس و ان اكتر من  90 فى المية ( يقال فى بعض المواقع 99 % )  من النساء فى مصر ضحايا للتحرش و مش اى تحرش !! انا شفت بنفسى الامر وصل ان ست فلاحة على ايدها طفل تم التحرش بها فى المترو ! قدام الناس كلها ! فلو قعدنا نعدد و نتكلم عن اشكال التحرش و زيادة معدلاته فى مصر و الحوادث اللى شفتها بنفسى مش هخلص . الخلاصة ان وجه الاحتجاج بما يحدث فى بلاد تانية مالوش معنى فالتحرش ظاهرة موجودة فى الدنيا كلها فوجود تحرش فى بلاد زى دى و وجود تحرش عندك انت كمان لا يعنى الا شئ واحد و هو خلل فى سلوكيات الذكور فى المجتمع البشرى عموما ولا يمكن اننا نلوم الضحية باى شكل من الاشكال او نبالغ فى وضع قيود و قماش اكتر على الضحية بحجة حمايتها  و لارضاء  الاخ حارس الفضيلة المتحرش فنحن فى مصر لم نرى زيادة فى التحرش الا مع زيادة تلك القيود و ذلك القماش  ! ... مفيش دول و مجتمعات مثالية لكن هناك مجتمعات متقدمة عن الاخرى فرق كبير بين اللى يواجه مشاكله و يحاول يحلها و بين اللى بيبرر خيبته بخيبة غيره بدل ما يقارن نفسه بالاحسن ! بالظبط زى التلميذ اللى يجيب ملحق و لما ابوه يلومه يقول طب ما فلان هو كمان جاب ملحق !  المطلوب مش تغيير ملابس المطلوب تغيير للعقول . 

ادب الصحابة مع رسول الله ( و تعزروه و توقروه )

اتى وفد عبد القيس على رسول الله حمو صلى الله عليه و سلم بينما كان الصحابة جلوسا معه فقال لهم حمو :

أتدرون ما الاسلام ؟

فقال عمر : اديك فى الحمام هههههههههه

رسول الله : اوفففففففففف !!

ابو بكر : و بعدين  يا عمر !   خلاص كمل يا رسول الله

فأكمل رسول الله فقال : أتدرون ما الايمان ؟

فقال عمر : العب كمان ! هههههههه

فتمعر و احمر وجه رسول الله
 فقال ابو بكر : ما تبطل بضينة  بقا يا عمر  . خلاص خلاص كمل يا رسول الله مش هيتكلم تانى خلاص .

فقال رسول الله : أتدرون ما الاحسان ؟

فقال ابو بكر : خدتك فى الدكان ! ههههههههههه

عمر : ههههههههههههههههههههههه !!

بقية الصحابة : ههههههههههههههههههههه!!!!!

وفد عبد قيس : ههههههههههههههههههه

فغضب رسول الله غضبا شديدا !!

ثم قال : تصدقوا انتوا عيال بضان و ربنا ما انا قاعد معاكم تانى !!
ثم قام و تركهم 
عمر : الحق ده حمو اتقمص هههههههه !! ولا حمووو خد يلا 

فنزل قوله تعالى : ( انا ارسلناك شاهدا و مبشرا و نذيرا ... لتؤمنوا بالله و رسوله و تعزروه و توقروه ولا تنمروه ! و تسبحوه بكرة و اصيلا ! ) 

من هو الصحابى ؟ ( نعريف الصحابى )

طبعا كلنا سمعنا العبارة الشهيرة  ( الصحابة كلهم  عدول ثقات ! ) و سمعنا و عرفنا حكم من ينتقد الصحابة او ( يطعن ) حسب تعبيرهم فى حد فيهم . فمين هما بقا الصحابة و كم عددهم ؟ يقول ابن حجر الصحابى هو : من لقي النبي مؤمناً به، ومات على الإسلام؛ فيدخل فيمن لقيه من طالت مجالسته له أو قصرت، ومن روى عنه أو لم يرو، ومن غزا معه أو لم يغز، ومن رآه رؤية ولو لم يجالسه، ومن لم يره لعارض كالعمى. يعنى اى حد شاف النبى و اسلم يبقى صحابى ! حتى لو مجرد قاله سلام عليكم او شافه مرة ! بل يدخل فيه اللى ارتد عن الاسلام فى حياة النبى و رجع للاسلام بعد موته !زى طليحة بن خويلد . طبعا مشكلة التعريف ده انه هيدخل الراجل اللى بال فى المسجد فى عصر النبى مثلا فى الصحابة !!! و اللى شافوا النبى و هما اطفال  بل مختلفين فى شأن اللى شافوا النبى قبل ما يدفن و هو ميت صحابة ولا لا  !! لذلك وفقا لهذا التعريف فهتلاقى عندك مئات الصحابة او يمكن الاف !! زى ما بيقولوا و كلهم ! عدوا ثقات مقدسين سبحان الله طبعا الرأى ده بالمناسبة هو ما عليه جماهير او اغلبية علماء السنة منهم البخارى و احمد ابن حنبل طبعا فبه اراء تانية حاولت تحل بعض الاشكاليات فى هذا التعريف المطاطى المفتوح على البحرى انما اقلية و تعد اراء شاذة !! زى اللى يشترطوا فى الصحابى هو من طالت مجالسته للنبى ! ( شرط مطاط جدا ) .. او اللى يشترطوا ان من يعد صحابى هو اللى شافه و هو بالغ مش طفل و ده برضه مطاطى جدا و يدخل فيه ناس كتير جدا ! .... خلاصة الامر يجد المسلم السنى نفسه مضطر لاعطاء ختم العدول الثقات (تقديس ) لعدد لا حصر له من البشر ما يقدرش يكذب اى حد فيهم فى النقل عن النبى او حتى يشكك او ينتقد ! و يا ويله اللى يتكلم عن واحد فيهم و رويت احاديث فى جزاء من يطعن او يسب حد فيهم .. لكن الغريب جدا ان لم تروى احاديث فى تحديد هما مين ! .. الخلاصة ان سواء تقديس الصحابة عند السنة و تقديس ال البيت عند الشيعة يعكس ان تقديس المسلمين لمحمد وصل لحد انه بينقل القداسة لغيره !! و مش بس عبر الجينات الوراثية كما فى حالة ال البيت ! بل اللى بس يشوفه ! و لو مرة ! فبياخد منه اشعة القداسة و يصبح عدل و ثقة فورا و تاخد منه دينك و ما تقدرش تقول عنه حرف ! او تشكك فيه و الا فى افضل احوالك اوى تبقى مبتدع ..... والله المستعان J

أترضاه لأختك !

بينما كان رسول الله جالسا مع اصحابه اذ اتاه شابا فقال :

يا رسول الله ائذن لى بالزنا !!

عمر : ايه  اللى انت بتقوله ده انت اتجنيت ياض !

رسول الله : دعه يا عمر !! .. ادنه ! .. اجلس يا فتى .. فجلس  ... فقال رسول الله : أترضاه لأمك ؟

الشاب : و انا مالى و مالها يا رسول الله و بعدين ما هى عندها ابويا لما تشوفها ممكن تسألها ترضاه ولا لا  ! .

رسول الله : اممممم أترضاه لأبنتك ؟؟

الشاب : معنديش بنات من اصله و لو فيه لو هى فوق ال18 ماليش دعوة بيها هى حرة . ايه علاقة ده بالموضوع يا رسول الله  

رسول الله : احا !!!

عمر :  يا ابن الوسخة !! دعنى اضرب عنق  امه يا رسول الله

رسول الله :  وطى صوت دين امك عايز اركز  ! ... انت يا بنى أترضاه لأختك ؟؟!

الشاب : انا ماليش اخوات يا رسول الله ! ... بس لو فيه عادى هى انسان زيى و حرة يا رسول الله انا مالى بيها و برضه انت مش عايز تقولى ايه علاقة ده بموضوعنا !

عمر : احااا !! ما تسيبنى اضرب عنقه بقا !!!

رسول الله : يا بضان يا بضااان هتخلينى اسب لك و الموصحف !

عمر : خلاص خلاص كمل يا رسول الله ..

رسول الله : أترضاه لعمتك ؟

الشاب : ماليش عمات بابا مكنش ليه اخوات بنات !

رسول الله : اوففففففف أترضاه لخالتك ؟؟

الشاب : ماما وحيدة مالهاش اخوات يا رسول الله .. و بعدين يعنى لو فيه ما انت سالتنى عن ماما و اختى و غيرهم خالتى هى اللى هتفرق يعنى !

رسول الله مصدوما : احا !!

الشاب : ها يا رسول الله قلت ايه ؟؟ هتاذن لى و لا ايه خلص ؟

رسول الله : عمر  اضرب لى عنق ابن المت**كة ده  !

عمر : هاا !! نعم ؟ !! اوكى اوكى ماشى .. بص انا هروح البيت الاول اشوف الحاجة كانت عايزة شوية حاجات كده هخلصها و اغير الهدوم دى عشان ما تتوسخش من الدم ! و ادور على السيف بتاعى و اروح اسنه عند القبيلة اللى جنبا و اجيلك على طول.

الخلاصة : الحديث صحيح ورد فى مسند احمد بس طبعا مش بالطريقة دى  و ده يخلينا نتسائل هل التشريع يخضع لأهواء الناس و ما يرضوه و مالا يرضوه ( طبعا بغض النظر عن التعامل مع النساء كأنهم ملكية للرجل ) يعنى الامور دى تختلف من ثقافة لثقافة و من شخص لشخص لو كان الشخص ده يرضى و عادى هل كان هيسمح له ! ... فى نفس الوقت الرسول مثلا ما رضاش ان على ابن طالب يتجوز على بنته فاطمة رغم ان ده حلال المفروض ! فلو الرسول ما رضاش ده لفاطمة لماذا لا يتم تحريمه ! ولا هو الموضوع ماشى ازاى .. دعوة للتفكير